Sadwrn
Carnifal y Gaeaf yn agor
SEREMONI AGORIADOL
4 diwrnod o ddathlu a gwledda yn cychwyn
Dewch i gynnau'r carnifal... Bydd Carnifal y Gaeaf Penarth yn dechrau gyda choroni'r "Pen Ffŵl" i lywyddu dros y dathliadau. Bydd dawnsio, canu a cherddorion hefyd. Lleoliad i'w gyhoeddi, ond bydd y tu allan yn rhywle, ar y gwair.
Ar ddiwedd y seremoni, byddwn ni'n dawnsio i'r dref.
Bydd angen gwisg arnoch chi... rhai syniadau yma
Ymunwch yn yr Hwyl
Beth am greu grŵp carnifal gyda'ch ffrindiau a chymryd rhan?
Mae mor hawdd â "jest troi lan". Dysgwch sut yma...
Bendigeidfran a'r beic
Beicio o Benarth i Harlech
Ie. Dyna'n union mae'n ddweud. Bydd y beiciwr rasys hirbell, Dave Hann, sy'n byw ger y Cymin yn beicio i Ogledd Cymru i ddweud wrth dref Harlech bod ein parti pedwar diwrnod wedi tanio ym Mhenarth. Bydd yn aros yn Aberteifi ar y ffordd, am luniaeth, cwsg a brecwast gyda phen Bendigeidfran. Bendigeidfran yw'r cawr mawr mwyn o Harlech yn hanesion y Mabinogi. Mae fersiwn carnifal Penarth yn honni i Bendigeidfran aros i wledda am bedwar diwrnod ym Mhenarth ar ei daith i Lundain.
Lansio cwrw
Peint arbennig y Carnifal ar gael
Mae'r bragdy o Fro Morgannwg, Tomos a Lilford, wedi datgan eu bod am fragu cwrw arbennig ar gyfer Carnifal y Gaeaf Penarth. Roedd y bragdy bychan yn ail ar restr Best Botanical Beers yr Independent, ac roedd eu cwrw du enwog, Cwrwgl, yn destun rhaglen ddogfen gan y BBC.
Bydd y cwrw newydd, o'r enw CARNIFAL - Penarth Pale Ale, ar gael yn y dref dros gyfnod gwyliau'r carnifal hyd at Ddydd Mawrth Crempog.
Parti'r Carnifal
rhywle - rhywsut : fe gawn ni barti
I ddod yn fuan - manylion am ble i ddod i'r parti ar noson agoriadol y carnifal. Dewch yn ôl yma i gael manylion...
SUL
Diwrnod 2 - yn cynnwys Gŵyl Chwerthin
Dathlwch Selsig Carnifal Penarth
Dathlwch Selsig Carnifal Penarth
Mae'n Sul y Selsig. Mae'r selsig wedi bod yn rhan ganolog o draddodiad carnifal y gaeaf yn Ewrop ers yr oesoedd canol, ac mae hanes o tua 4,000 o flynyddoedd i'r selsig. Mae'r ddau gigydd yng nghanol y dref, Cigyddion David Lush a Chigyddion Teulu Thompson, wedi dweud y byddan nhw'n creu selsig arbennig ar gyfer dathliadau carnifal Penarth. Pa un fyddwch chi'n ei drio gyntaf?
Mae Tony Thompson o Gigyddion Thompson hefyd yn un o brif chwaraewyr blŵs yr organ geg yn Ne Cymru, felly gobeithio y cawn ei glywed yn canu yn y carnifal hefyd.
Disgo Sŵp
Peidiwch ag anghofio'n gwreiddiau Cymreig
Iawn, felly nid pawb sy'n hoff o selsig, ond mae dathliadau carnifal ar y gweill sy'n cynnwys bwyd di-gig hefyd. Hwre! Meddai'r anogwr carnifal, Richard Parry, "Dwi wedi bod mewn sgyrsiau hyfryd am lysiau yn y carnifal hefyd, ac mae sôn am Disgo Sŵp fel rhan o'r wledd. Bues i mewn disgo sŵp un tro yn Llandrindod. Roedd yn wefreiddiol ac yn flasus - ar yr un pryd. Byddwn ni'n cyhoeddi cyn gynted ag y daw'r manylion i mewn."
Gweithdai chwerthin
I Ddatrys Heriau Cymdeithasol
Rydym yn cefnogi, yn weithredol, y timau hyn i feddwl yn strategol ac i gyrchu adnoddau trawsffurfiannol i alluogi ehangu marchnadoedd ayb ayb
Llun
Gŵyl Banc y Carnifal
Rhowch ŵyl banc i chi'ch hun!
Dewch nawr, rydych chi'n haeddu un.
Mae pobl wedi dechrau bwcio amser o'r gwaith, sy'n gwneud dyddiau carnifal Penarth yn wyliau ychwanegol, annisgwyl. Dychmygwch... Dim aros mewn maes awyr. Dim ciws. Dim pacio. Pam lai? Estynnwch eich dyddiadur a rhowch hoe aeafol i'ch hun yn ein tref.
Parti'r Carnifal
rhywle - rhywsut : fe gawn ni barti
I ddod yn fuan - manylion am ble i ddod i'r parti ar nos Lun y carnifal. Dewch yn ôl yma i gael manylion... cynigion ar y ffordd... a peidiwch ag anghofio rhoi gwybod i ni ble fydd eich parti chi! Fe ddown ni i ymuno gyda chi.
dydd Mawrth bras
Dydd Mawrth Crempog / Ynyd - Mardi Gras
Pancos ar y Pier
Dathliad carnifal i'r plant
Dewch lawr i'r Pier ar ôl ysgol. Bydd y Pafiliwn yn agor ei ddrysau i blant y dref i ddathlu'r carnifal. Bydd Waterloo Tea Rooms ar y Pier yn gwneud crempogau a bydd Canolfan Ddiwylliannol Eidalaidd Cymru ac artistiaid carnifal yn rhoi help llaw i wneud mygydau. Os bydd hi'n braf, efallai awn ni am dro yn ein gwisgoedd ar hyd y prom. Os bydd hi'n glawio... dewch ag ymbarél!
Mardi Gras - Noson y Parti
Os na wnei di - pwy wnaiff?
Bydd Wonderbrass - band gŵyl rhyngwladol Cymru yn crwydro strydoedd, bariau a thai bwyta Penarth. Rydyn ni'n chwilio am leoliadau dawns a pharti...
Gwnewch nodyn yn eich calendr a chwiliwch am wisg. Dyma'r NOSON FAWR.
YMUNWCH Â'R CARNIFAL
Ar ôl datgan carnifal, does yna ddim pwyllgor trefnu canolog... Mae'n gweithio drwy fod grwpiau carnifal yn dod at ei gilydd i wneud pethau carnifalaidd. Gwnewch rywbeth arbennig rydych chi'n fwynhau, dathlwch fel grŵp o ffrindiau/teulu, trefnwch ddigwyddiad ar y stryd, ewch allan i'r dref mewn gwisgoedd carnifal gyda ffrindiau, helpwch i roi digwyddiad mwy at ei gilydd, neu drefnu eich gweithgaredd carnifal arbennig eich hun i bobl eraill... Mae'n dibynnu arnoch chi! Dyma rai syniadau...
Sbwyliwch eich hun
Carnifal un dyn
Uned leiaf y carnifal yw un person. Ti! Gallet ti redeg bath hir a gwrando ar gerddoriaeth drwy'r pnawn, neu guddio yn y sied yn gwrando ar Dafydd a Caryl ar y radio, mynd am dro, neu brynu'r trît yna buest ti'n addo i ti dy hun... mae'r carnifal yn dechrau gyda ti yn datgan gwyliau i ti dy hun.
Grŵp o ffrindiau / teulu
Calon y carnifal
Grwpiau bychan o ffrindiau a pherthnasau yn mynd allan gyda'i gilydd i gael sbort - dyma galon y carnifal. Waeth beth fo'ch oedran neu'ch hanes, mewn carnifal mae croeso i bawb roi gwisg ffansi amdanynt a dod i ddathlu. Gwnewch rywbeth y byddech chi'n wneud beth bynnag (mynd am bitsa, chwarae tennis, mynd â'r ci am dro) ond mewn gwisg ffansi. Neu gallech chi drefnu gweithgaredd arbennig ar gyfer y carnifal. Ymunwch â grwpiau eraill. Dyna sut mae'r carnifal yn dod at ei gilydd...
Clwb / sefydliad
Peidiwch â chael eich gadael allan... ymunwch â'r parti
Mae Penarth yn llawn clybiau, sefydliadau a chymdeithasau rhagorol. Mae cyfoeth aruthrol o fywyd a gweithgarwch yn y dref. Sut fydd eich sefydliad chi yn ymateb? Efallai mai'r pwyllgor fydd yn arwain neu - gan mai carnifal yw hwn - gallai fod fyny i chi! Cymerwch yr awenau. Awgrymwch rywbeth. Mawr neu fach - does dim ots. Os yw'n digwydd, mae'n rhan o'r carnifal!
Grŵp carnifal arbenigol
Gweledigaeth ar gyfer y carnifal? .... Gwireddwch hi
Efallai eich bod yn gwybod yn iawn beth hoffech chi ei wneud... Mae angen pobl ar y carnifal sy'n gallu trefnu syniadau a gweithgareddau ac annog pobl eraill i ymuno yn yr hwyl. Beth bynnag rydych chi'n ei wneud, rhannwch hynny gydag eraill... ac fe rown ni wybod i bobl - er mwyn i'r carnifal yma ddechrau, rhedeg a gorffen gyda digonedd o ysbryd.
Artistiaid, cerddorion, busnesau, gweithwyr ieuenctid, trefnwyr... ewch i'r adran help yn eisiau
Ewch i ymweld â mascamp Penarth
3 diwrnod o weithdai, cyngor a help cyn i'r carnifal ddechrau
'Mascamp' yw'r lle i gyfarfod a chael help gyda'ch gwisg carnifal, syniadau, dyluniadau, cynlluniau, a'r lle i fynd i gyfarfod ag artistiaid carnifal a siarad am y carnifal.
Dyddiad: Mercher 27 Chwefror, Iau 28 Chwefror & Gwener 1 Mawrth
Amser: Prynhawn
Oedran: Croeso i bawb o bob oedran, rhaid i'r rhai dan 16 oed ddod gydag oedolyn
Gwnaed yn bosibl gydag artistiaid o Garnifal Butetown a chefnogaeth Waterloo Tea Rooms yn y Pier sy'n gwneud amser ar gyfer coffi a chacen yn y carnifal. Diolch.
rhuban y carnifal
wedi'i greu ar gyfer ein carnifal, ar gael yn y dref, bydd yn agor drysau i chi
Prynwch ruban y carnifal
i gael cynigion y carnifal a gostyngiadau
Bydd busnesau, siopau, caffis a thai bwyta yn gwneud cynigion arbennig i unrhyw un sy'n gwisgo darn o ruban y carnifal. Byddwn ni'n rhestru'r cynigion ar y safle hwn.
Ac fe rown wybod i chi ble i ffeindio'r rhuban o wythnos yma!
Diolch i National Weaving Ltd yn Arberth, Sir Benfro am gyflenwi'r rhuban. Mae'n fendigedig!
siopau a busnesau
Mae llawer o siopau a busnesau yn y dref wedi dweud y gwnân nhw helpu gyda Charnifal y Gaeaf Penarth. O'r wythnos hon byddwch chi'n gallu prynu rhuban Carnifal Penarth - os oes darn gyda chi, bydd gostyngiadau ar gael a chynigion carnifal yn ystod cyfnod y Carnifal. Hefyd, bydd syniadau am wisgoedd, masgiau a phethau parti ar werth dros yr wythnosau nesaf. Efallai hoffech chi wneud rhywbeth ar gyfer y carnifal - a gofyn i'r siopau ei werthu. Newyddion am ba siopau a busnesau fydd yn rhoi cynigion arbennig yn fuan...
Yn y cyfamser, os ydych chi'n rhedeg siop neu fusnes yn y dref ac eisiau gwneud cynnig carnifal i'r cyhoedd neu i grwpiau trefnu... rhowch wybod i ni. Fe rown ni wybod i bawb.
NODDWCH Y CARNIFAL. Fe ddechreuon ni'r ŵyl hon heb ddim arian. Os gallwch chi noddi rhan o'r carnifal, neu wneud cyfraniad, byddem yn gwerthfawrogi hynny'n fawr iawn, a bydd yn gwneud gwahaniaeth mawr. Gallwn ni gyflogi mwy o artistiaid carnifal i ddod i weithio gyda'r dref a'n helpu i wneud y parti yma'n arbennig. Llinell nawdd - anfonwch neges neu ffoniwch Richard ar 07974 39 7771
Rhuban y Carnifal
Cynigion y carnifal
Bydd Rhuban Carnifal Penarth ar werth o'r wythnos hon o gwmpas y dref.
Gallwch chi wneud cynigion carnifal i gwsmeriaid sy'n gwisgo rhuban carnifal dros benwythnos yr ŵyl.
gwisgoedd
Mae gwisgo fyny yn rhan bwysig o'r carnifal...
Mae fyny i chi. Edrychwch ar y traddodiadau o'r Caribî ac America. Efallai eich bod chi'n hoffi mygydau a gwisgoedd carnifal y Fforest Ddu yn yr Almaen. Penarth yw hwn - felly gallai'r "arth" fod yn beth mawr - crwydrwch o gwmpas y dref mewn gwisg arth (neu mewn mwgwd arth o leiaf). Mae Andy o Hamptons yn gwneud fersiwn Penarth o'r mygydau carnifal traddodiadol o Hen Ddyn a Hen Fenyw mae pobl hen ac ifanc fel ei gilydd yn eu gwisgo yn Oberkirch, yr Almaen. Neu efallai mai Brasil yw'r unig un i chi! Ac wrth gwrs, mae pedwar diwrnod i gyd, felly gallwch chi wisgo rhywbeth gwahanol bob dydd. Chaiff neb ddweud wrthoch chi beth sy'n iawn i chi. Chi sydd i fynegi eich hun. Chi sydd i fyw'r carnifal.
Hefyd, caiff pawb sy'n gwisgo darn o ruban y carnifal ostyngiadau carnifal a chynigion arbennig mewn siopau, bariau, caffis a thai bwyta o gwmpas y dref.
Rhuban y Carnifal
Lliwiau Carnifal Penarth
Mae'r rhuban hyfryd hwn ar gyfer Carnifal Penarth o ffabrig gwead ac mae ar gael yn siopau'r dref yr wythnos hon.
Bydd cynigion a gostyngiadau carnifal gwych ar gael i bawb sy'n gwisgo darn o ruban y carnifal.
